ஆட்பதிவுத் திணைக்களத்தின் மத்திய கணினி வலையமைப்பில் ஏற்பட்டுள்ள பாரிய தொழில்நுட்பக் கோளாறு காரணமாக, நாளை (மார்ச் 27) முதல் திணைக்களத்தின் அனைத்துப் பொதுச் சேவைகளும் காலவரையறையின்றி இடைநிறுத்தப்படுவதாக அறிவிக்கப்பட்டுள்ளது.
பின்னணி மற்றும் பாதிப்புகள்
இன்று (26) பிற்பகல் 1.30 மணியளவில் கணினித் தொகுதியில் ஏற்பட்ட திடீர் கோளாறு காரணமாக, ஆட்களைப் பதிவு செய்யும் பணிகள் மற்றும் அடையாள அட்டை விநியோக நடவடிக்கைகள் முழுமையாகப் பாதிக்கப்பட்டுள்ளன. இதன் விளைவாக பின்வரும் அலுவலகங்களின் சேவைகள் நிறுத்தப்பட்டுள்ளன:
- பத்தரமுல்லையில் உள்ள பிரதான அலுவலகம்.
- அனைத்து மாகாண அலுவலகங்கள்.
- ஒருநாள் சேவை உள்ளிட்ட அனைத்து பொதுச் சேவைகள்.
ஆணையாளர் நாயகத்தின் அறிவிப்பு
இது குறித்து கருத்துத் தெரிவித்துள்ள ஆட்பதிவு ஆணையாளர் நாயகம் எம்.எஸ்.பி.சூரியப்பெரும, குறித்த தொழில்நுட்பக் கோளாறு சீர் செய்யப்பட்டு, கணினித் தொகுதி வழமைக்குத் திரும்பும் வரை இந்த இடைநிறுத்தம் அமுலில் இருக்கும் எனக் குறிப்பிட்டுள்ளார்.
