இலங்கையின் கல்வி, உயர்கல்வி மற்றும் தொழிற்கல்வி அமைச்சு, நாடு முழுவதும் உள்ள அனைத்துப் பாடசாலைகளுக்கும் “சுரகிமு லங்கா” (இலங்கையை காப்போம்) பாடசாலை சக்திப் பாதுகாப்புத் திட்டம் என்ற புதிய முன்முயற்சியை அறிவித்துள்ளது. இந்த திட்டம் எல்-நினோ (El-Niño) தாக்கம் மற்றும் உலகளாவிய எரிபொருள் நெருக்கடியை முன்னிட்டு உருவாக்கப்பட்டது.

ஏன் இந்த திட்டம் தேவை?

எல்-நினோ காலங்களில் இலங்கையில் கடும் வறட்சி, நீர் பற்றாக்குறை மற்றும் மின் தட்டுப்பாடு ஏற்படும் அபாயம் உள்ளது. மாணவர்கள் உட்பட பொதுமக்களுக்கு வெப்ப வாதம் (Heat stroke) மற்றும் நீரிழப்பு ஏற்படும் சாத்தியமும் அதிகரிக்கிறது.

பாடசாலை செயற்பாட்டுத் திட்டம்

2026 ஏப்ரல் 09 ஆம் திகதி முதல், முதலாம் தவணை விடுமுறைக்கு முன்னதாக, அனைத்துப் பாடசாலைகளும் பின்வரும் செயற்பாடுகளை நடைமுறைப்படுத்த வேண்டும்.

மின்சாரம் மிச்சப்படுத்த வேண்டிய முக்கிய நடவடிக்கைகள்

• மின்சாரம் மற்றும் நீர்த் தடங்கல்களுக்காக முன்கூட்டியே தயாராக இருத்தல்
• பயன்படுத்தாத மின்விளக்குகள், மின்விசிறிகள் மற்றும் உபகரணங்களை அணைத்து வைத்தல்
• இரவு 7 மணிக்கு வீட்டில் தேவையற்ற ஒரு மின்விளக்கையாவது அணைத்தல்
• இரவு 7 – 10 மணி வரை குளிர்சாதனப் பெட்டியின் மின் இணைப்பை துண்டித்து வைத்தல்
• பயன்படுத்தப்படாத மின் உபகரணங்களை மின் செருகிகளிலிருந்து (Plugs) அகற்றுதல்
• சிங்கள மற்றும் இந்து புத்தாண்டு காலத்தில் நீரையும் மின்சாரத்தையும் சிக்கனமாகப் பயன்படுத்துதல்
• முடிந்தவரை இயற்கை ஒளியை (சூரிய ஒளி) பயன்படுத்துவதற்கு ஊக்குவித்தல்

அதிக வெப்பத்திலிருந்து மாணவர்களை பாதுகாக்க

• அடிக்கடி நீர் அருந்துவதற்கு பிள்ளைகளை ஊக்குவித்தல்
• குடிநீரை பாதுகாப்பாக வைத்திருத்தல்
• முற்பகல் 11:00 – பிற்பகல் 3:00 வரை நேரடி சூரிய வெளிச்சத்திற்கு செல்வதை தவிர்த்தல்
• வெப்ப வாதம் (Heat Stress) அறிகுறிகளை – தலைவலி, நடுக்கம், வியர்வை – கண்டறிய கற்றுக்கொள்ளுதல்
• நோய் அறிகுறிகள் தெரிந்தால் உடனடியாக மருத்துவ உதவியை நாடுதல்
• ஆசிரியர்கள் மற்றும் பெற்றோரின் அறிவுறுத்தல்களை பின்பற்றுவதற்கு பிள்ளைகளை வழிகாட்டுதல்

‘சக்திப் பாதுகாப்பு வேலி’ – படைப்பாற்றல் முன்முயற்சி

📬 ‘வீட்டிற்கு ஒரு செய்தி’ – பெற்றோர் இணைப்பு

சக்தியை சேமிப்பதன் முக்கியத்துவம் குறித்து மாணவர்கள் கடிதம் எழுதுவார்கள். சிறந்த கடிதம் தேர்ந்தெடுக்கப்பட்டு ஒவ்வொரு மாணவரின் வீட்டிற்கும் அனுப்பப்படும். பெற்றோர் / பாதுகாவலரின் கையொப்பம் பெறப்படும். இதன் மூலம் மாணவர்கள் இந்தத் தேசியப் பணியின் பாடசாலை மட்ட பிரதிநிதிகளாக (Agents) செயற்படுகிறார்கள்.

யாருக்கு இந்த சுற்றறிக்கை பொருந்தும்?

1. அனைத்துப் பிரிவு அதிகாரிகள் – மாவட்ட கல்வி அலுவலகங்கள்
2. அனைத்துப் பாடசாலைகளின் அதிபர்கள் – அரசு பாடசாலைகள்
3. அரச அங்கீகாரம் பெற்ற தனியார் பாடசாலைகளின் முகைமையாளர்கள் மற்றும் அதிபர்கள்
4. அனைத்து மாகாண கல்விப் பணிப்பாளர்கள்
5. அனைத்து வலயக் கல்விப் பணிப்பாளர்கள்
6. கோட்டங்களுக்குப் பொறுப்பான உதவிக் கல்விப் பணிப்பாளர்கள்