இலங்கை திட்டமிடல் சேவையின் III ஆம் தரத்தில் காணப்படும் 24 வெற்றிடங்களை நிரப்புவதற்காக மட்டுப்படுத்தப்பட்ட அடிப்படையில் போட்டிப் பரீட்சை நடாத்தப்படவுள்ளது. இதற்கான விண்ணப்பங்கள் தகுதியுள்ள அரச அதிகாரிகளிடமிருந்து கோரப்படுகின்றன.
✅ விண்ணப்பிப்பதற்கான தகுதிகள்:
- கல்வித் தகுதி: பல்கலைக்கழக மானியங்கள் ஆணைக்குழுவினால் அங்கீகரிக்கப்பட்ட அல்லது நாடாளுமன்றச் சட்டத்தின் மூலம் நிறுவப்பட்ட பல்கலைக்கழகம் ஒன்றில் பட்டத்தைப் பெற்றிருத்தல் வேண்டும்.
- பணி அனுபவம்: அரச அல்லது மாகாண அரச சேவையில் நிரந்தரமாக்கப்பட்ட அதிகாரியாக இருத்தல் வேண்டும்.
- சேவைக் காலம்: வர்த்தமானி பிரசுரிக்கப்படும் திகதியன்று (2026.04.17) அல்லது அதற்கு முன்னதாக 5 வருடங்களுக்குக் குறையாத செயலில் உள்ள மற்றும் திருப்திகரமான சேவைக் காலத்தைப் பூர்த்தி செய்திருத்தல் வேண்டும்.
- சம்பளக் குறியீடு: MN-1-2025 (அல்லது அதற்கு மேற்பட்ட MN குறியீடு) அல்லது SL-1-2025 சம்பளக் குறியீட்டின் கீழ் சம்பளம் பெறுபவராக இருத்தல் வேண்டும்.
- ஏனையவை: விண்ணப்பிப்பதற்கு முந்தைய 5 ஆண்டுகளில் அனைத்து சம்பள ஏற்றங்களையும் பெற்றிருக்க வேண்டும். அத்துடன் ஒழுக்காற்றுத் தண்டனைகள் எதுவும் பெற்றிருக்கக் கூடாது.
📝 பரீட்சை விபரங்கள்:
- விண்ணப்பிக்கும் முறை: இணையவழியில் (Online) மாத்திரமே விண்ணப்பிக்க முடியும்.
- இணையத்தளம்: www.doenets.lk.
- விண்ணப்பங்கள் ஆரம்பமாகும் திகதி: 2026 ஏப்ரல் 20 முற்பகல் 09.00 மணி.
- விண்ணப்ப முடிவுத் திகதி: 2026 மே 18 பிற்பகல் 09.00 மணி.
- பரீட்சை நடைபெறும் காலம்: 2026 ஜூலை மாதம் கொழும்பில் நடைபெறும்.
- பரீட்சைக் கட்டணம்: ரூபா 1,200/-.
📑 பரீட்சை பாடங்கள் (சிங்களம், தமிழ் அல்லது ஆங்கில மொழியில் எழுதலாம்):
- கிரகித்தல் (100 புள்ளிகள்).
- விடய ஆய்வுக் கல்வி (100 புள்ளிகள்).
- திட்டமிடல் (100 புள்ளிகள்).
